Kukan: Politika të veprojë për shqiptarët

Eurodeputeti Eduard Kukan është shprehur se politika shqiptare duhet të ngrihet mbi interesat partiake dhe të bëjë zgjedhjet e duhura në interes të vendit.

Gjatë fjalës së tij në Komitetin e Punëve të Jashtme të Parlamentit Europian, Kukan theksoi se shqiptarët e meritojnë hapjen e negociatave.

“Në Shqipëri kemi një situatë politike të tensionuar dhe është pjesë e politikës vendase që të ngrihet mbi interesat partiake dhe të bëjë zgjedhjet e duhura e të marrin vendime në interes të popullit shqiptar. Populli shqiptar e meriton hapjen e negociatave. Unë mendoj se duhet të bëjmë diçka më dramatike. Duhet të rishikojmë instrumentet që kemi në dispozicion për ti bërë presion kolegëve në Ballkan sepse ata duhet ta bëjnë. Nëse nuk e bëjnë kam frikë se besueshmëria dhe autoriteti jonë do të bjerë. Kjo është më keq sepse rajoni ka çështje të ndjeshme të sigurisë”, tha Kukan.

LEAVE A REPLY

Please enter your comment!
Please enter your name here