Masa për 37 të arrestuar në protestë, Gazment Bardhi: Burgosje politike

Gjykata e Tiranës ka dhënë sot masën e sigurisë për 37 protestuesit e arrestuar gjatë protestës të opozitës së bashkuar të 13 prillit, e mbajtur para godinës së kryeministrisë.


Për tre protestues është caktuar masa e sigurisë arrest me burg, ndërsa për dy protestues është caktuar masa “arrest shtëpie”.

Ndërsa togat e zeza dhanë masën detyrim paraqitje edhe për 32 të arrestuarit e tjerë.

Por, sekretari i përgjithshme i PD-së, Gazment Bardhi e ka cilësuar këtë masë një vendim politik, pasi sipas tij, Edi Rama po vijon t’i vendosë tjetër damkë vendit dhe kjo është “burgosja politike”.

Gjithashtu ai pohoi se qytetarët nuk ushtruan asnjë akt dhune në protestë, ndërsa masat e sotme shtoi ai, janë vendim i radhës i kryeministri ndaj qytetarëve që janë mbështetës të opozitës dhe kundërshtarë të pushtetit.

“Qytetarët nuk kanë kryer asnjë akt dhune gjatë protestës. Asnjëri prej 40 të arrestuarve nuk ka kryer asnjë akt dhune. Prokuroria edhe sot shërbeu si vegël, sepse nuk ka asnjë provë. Ata janë të burgosur politikë.

Edi Rama po i vendosë një tjetër damkë Shqipërisë dhe po bën çdo gjë për të mbajtur pushtetin kriminal. Protestuesit kanë qenë në protesta paqësore. Dhuna do ti kthehet mbrapsht. Janë mbi 200 qytetarët që shoqërohen, janë mbi 10 të burgosur që mbahen në burg me urdhër të Edi Ramës”, tha ai.

LEAVE A REPLY

Please enter your comment!
Please enter your name here