Shitet në ankand fuoristrada e Çausheskut

Një makinë fuoristradë 4X4, e prodhuar në Rumani dhe që i përkiste Nicolae Çausheskut u shit në ankand për 40 000 euro, 30 vjet pas rrëzimit të ish-diktatorit komunist, njoftoi administrata fiskale, pa zbulur emrin e blerësit.

Në bordin e këtij automjeti, Çaushesku dhe ish-presidenti i Bashkimit Sovjetik Mihail Gorbacov kanë përshëndetur turmën e mbledhur përgjatë arterieve kryesore të Bukureshtit gjatë vizitës së këtij të fundit në Rumani në vitin 1987.

Kjo fuoristradë 4X4, e prodhuar në vitin 1977 nga uzina ARO e Campulung Muscel (170 kilometra në veri të Bukureshtit) dhe me kilometrazh 72 453 kilometra u ble për gati 40 000 euro.

“Vetëm katër automjete të këtij lloji janë prodhuar nga uzina rumune, të gjitha të destinuara për Çausheskun dhe agjentët e sigurisë që e shoqëronin gjatë vizitave të tij”, sipas medias lokale.

LEAVE A REPLY

Please enter your comment!
Please enter your name here